Nokaýtshy Alı Ahmedov WBC tıtýly úshin judyryqtasady
ASTANA. QazAqparat - Jartylaı aýyr salmaqtaǵy qazaqstandyq boksshy Alı Ahmedov kelesi jekpe-jegin 30 maýsym kúni Mınneapolıste ótkizedi, dep jazdy Sports.kz.
Bul WBC tujyrymy boıynsha Soltústik Amerıka chempıony ataǵy úshin tıtýldyq aıqas bolady. Onyń qarsylasynyń aty-jóni ázirge belgisiz. Bul onyń kásipqoı rıngtegi jetinshi jekpe-jegi. Budan aldyńǵy aıqastarda Alı Ahmedov jeńiske jetip, onyń tórteýin merziminen buryn aıaqtady.
