Nokaýtpen jeńiske jetken qazaqstandyq boksshy kelesi aıqasynyń ýaqytyn bildi

NUR-SULTAN. QazAqparat - Orta salmaqtaǵy qazaqstandyq boksshy Temirlan Raıymqulovtyń (5-1-2, 1 KO) kelesi jekpe-jeginiń datasy belgili boldy, dep habarlaıdy QazAqparat Sports.kz-ke silteme jasap.

BoxRec.com. málimeti boıynsha, Raıymqulovtyń rıngke oralýy 24 maýsymda Fıladelfııada (Pensılvanııa, AQSh) josparlanǵan. Alaıda, qarsylasynyń esimi áli atalmady.

Esterińizge sala keteıik, 26 naýryz kúni tańerteń Temirlan Fıladelfııa qalasynda jergilikti boksshy Isaıı Seldonǵa (14-5-1, 5 KO) qarsy jekpe-jek ótkizip, tórtinshi raýndta tehnıkalyq nokaýtpen jeńiske jetken bolatyn. Qazaqstandyq boksshy rıngke Ýkraınanyń týymen shyǵyp, jekpe-jekten keıin bergen suhbatynda osy elge qoldaý bildirdi.