Nokaýtqa túsken UFC chempıony jylap jiberdi
ASTANA. QazAqparat - Jartylaı aýyr salmaqta UFC chempıony tıtýly úshin bolǵan aıqasta 30 jastaǵy qarsylasy Djon Djons nokaýtqa túsirgen Denıel Korme jeńilisten soń kóz jasyna erik berdi.
Keshtiń eń basty jekpe-jeginiń taǵdyry úshinshi raýndta sheshildi.
Djonstyń kezdesýde basym ekendigi alǵashqy mınýttardan belgili boldy jáne qarsylasynyń múlt ketken sátinde aıaǵymen basqa dál soqqy jasady.
Sporttyq mansabynyń aıaqtalýyna soqtyrýy múmkin jeńilisten soń Korme jylap turyp, qarsylasynyń myqtylyǵyn moıyndady.
«Ol eki kezdesýde de basym tústi. Ekeýmizdiń aramymyzda endi básekelestik bolmaıtyn shyǵar. Men bilmeımin. Basyma soqqy jiberip aldym. Qatty túńildim...
Djons bolsa, jeńisten keıin 40 jastaǵy ardagerdi, aýyr salmaqtaǵy Broký Lesnardy aıqasqa shaqyrdy.
Kormeni Djons ekinshi ret súrindirip otyr. 2015 jyly Djons upaı sanymen jeńgen bolatyn. Biraq UFC ony aıaǵy aýyr áıel zardap shekken jol apatyna qatysy barlyǵy úshin belbeýinen aıyrǵan edi. Al bos tıtýldy Korme Entonı Djonsonmen jekpe-jekte basym túsip, utyp alǵan bolatyn.
