Nokaýtqa túsken boksshy ajal qushty
ASTANA. QazAqparat - Avstrııalyq boksshy kishi Devıd Braýn fılıppındik Karlo Magalımen jekpe-jekte alǵan jaraqatynan qaza tapty, dep habarlady Sky News Australia.
Jumada Inglbernde (Avstralııa) IBF nusqasy boıynsha óńirlik tıtýldardyń biri úshin ótken ekinshi jartylaı jeńil salmaqtaǵy aıqas 12 raýndta nokaýtpen, Magalıdiń jeńisimen aıaqtaldy.
Braýn aıqastan keıin mı jaraqatymen aýyr jaǵdaıda aýrýhanaǵa jetkizildi. Birneshe kúnnen keıin boksshy kóz jumdy.
28 jastaǵy Braýn kásibı rıngte 22 ret jeńip, eki ret jeńilgen, bir aıqasty teń aıaqtaǵan, dep habarlaıdy vesti.kz.
