Nokaýt alǵan Aıdos Erbosynulynyń ómirine qaýip tónip turǵan joq – dárigerler

ASTANA. QazAqparat – Suleimen Promotions kompanııasy ózderiniń Instagram paraqshasynda qazaqstandyq boksshy Aıdos Erbosynulynyń jaǵdaıyna qatysty resmı málimdeme jasady, dep habarlaıdy QazAqparat.

«Álem chempıony tıtýly úshin bolǵan jekpe-jekten keıin Aıdos Erbosynuly Mınneapolıstegi eń jaqsy aýrýhanaǵa jatqyzyldy. Dárigerlerdiń aıtýynsha, ómirine qaýip tónip turǵan joq, eki aptaǵa jýyq dárigerlerdiń baqylaýynda bolady», - delingen habarlamada.

Buǵan deıin habarlanǵandaı, ótken demalys kúnderi sýper orta salmaqta WBA nusqasy boıynsha «turaqty» álem chempıony tıtýly úshin ótken jekpe-jekte Erbosynuly kýbalyq Davıd Morrelden aýyr nokaýt alyp, jeńilip qalǵan bolatyn.

Keıinnen aýrýhanaǵa jetkizilgen edi. Búgin Aıdostyń jasandy komada jatqany belgili boldy.

Foto: instagram.com/suleimen_promotions_official