Noǵaev HQKO qurylysy men kardıortalyqty qalpyna keltirý jumystaryn tekserdi
ATYRAÝ. QazAqparat - Nurlan Noǵaev əleýmettik mańyzy bar tórt nysannyń qurylys barysymen tanysty, dep habarlaıdy Atyraý oblysy ákimdiginiń resmı saıty .
Aımaq basshysy aldymen oblystyq kardıoortalyqtyń qalpyna keltirilip jatqan qosymsha ǵımaratyn aralap kórdi. Medıtsınalyq mekemeniń jańa ǵımaraty syrqattarǵa qosymsha qyzmetterdiń kórsetilýine múmkindik beredi. Onda operatsııa-hırýrgııa bloktary, reanımatsııa, qarqyndy terapııa jəne dıagnostıka bólimderi ornalasqan. Təýligine 50 adamǵa deıin qyzmet kórsetý josparlanyp otyr.
Ekinshi nysan - mamandandyrylǵan halyqqa qyzmet kórsetý ortalyǵy ǵımaraty. Onda HQKO qyzmetkerlerimen qatar əkimshilik polıtsııa men memlekettik kirister departamenti, narkologııa jəne psıhıkalyq-nevrologııalyq dıspanser dərigerleri jumys isteıtin bolady. Synamalar tapsyratyn medıtsınalyq zerthana da sol jerde ornalasady. Bólingen tórt gektar jerge kólik júrgizý boıynsha synaq alatyn avtodrom salynady. Osylaısha keler jyldan bastap kólik júrgizý kýəligin alý, kólik tirkeý rəsimderi bir jerde júzege asady.
Nurlan Noǵaev Samal yqshamaýdanyndaǵy órt sóndirý deposynyń qurylysymen de tanysty. Jańa órt sóndirý bólimshesi jaqyn mańdaǵy 3-5 yqshamaýdandy qamtıdy. Nysan qurylysy bıyl shilde aıynda bastaldy, 2018 jyldyń jeltoqsanynda aıaqtalady.
Aımaq basshysy Nursaıa yqshamaýdanyndaǵy oblystyq ІІD jańa ǵımaratynyń qurylysyn da baryp kórdi. ІІD-niń jańa əkimshilik kesheni bes bólikten turatyn keńse ǵımaratyn, sport keshenin, 100 əskerı qyzmetshige arnalǵan kazarma men jedel əreket etý arnaıy jasaǵynyń 100 sarbazyna arnalǵan jataqhana, ýaqytsha oqshaýlaý oryny, kəmelettik jasqa tolmaǵandardy beıimdeý ortalyǵy, generatory men qazandyǵy bar transformatorly qosalqy stantsııa, ərqaısysynda 16 tehnıka bolatyn eki angar úlgisindegi boksty qamtıdy. Əkimshilik polıtsııanyń qoldanystaǵy keńsesi bolashaqtaǵy ІІD kesheniniń bir bóligi deýge de bolady.
