Noǵaev brakonerlerden alynǵan balyqty joıý qajettigin aıtty
ATYRAÝ. QazAqparat - Atyraý oblysynyń ákimi Nurlan Noǵaev brakonerlerden alynǵan balyqtardyń joıyp otyrý qajettigin aıtty, dep habarlaıdy QazAqparat.
«Men balyqty keıin pysyqaı birýler tómen baǵamen qaıtara satyp júrmes úshin, ony joıyp otyrýdy usynamyn. Bul kórshiles memleketterde keń taraǵan tájirıbe. Tipti tabıǵatty paıdalanýshylar men mamandardyń ózderi bunyń tıimdi sheshim ekendigin aıtýda»,-dedi Noǵaev quqyq qorǵaý organy ókilderiniń úılestirý keńesiniń otyrysynda.
Qazirgi tańda quqyq qorǵaý organynyń ókilderi brakonerlerden tárkileıtin balyqtar birneshe kompanııaǵa taratylyp beredi. Bul balyq eń tómengi baǵamen satylady. Odan túsken paıda memlekettiń ıeligine qaıtarylady. Alaıda sarapshylar osyndaı kompanııalarmen baılanysty bar quqyq qorǵaý organy ókilderiniń zańsyz balyq aýlaýdy uıymdastyrýy múmkindigin aıtty.
Olar balyqty ustaıdy da ony tárkilengen ónim retinde tirkeıdi. Sóıtip olar ózderiniń aktilerine ıesi joq balyqty ózderi anyqtaǵandaı qujat toltyrady. Budan ári olar tárkilengen balyqty satyp alatyn kompanııalardan onyń naryqtyq qunyn alady. Brakonerliktiń osyndaı zańdastyrylǵan túrin engizýdiń aldyn alý úshin Reseı burynnan beri tárkilengen dúnıeni joıyp jiberip otyrady.
