Nobel syılyǵynyń laýreaty ómirden ozdy
ASTANA. 24 aqpan. QazAqparat - Belgili ǵalym, Nobel syılyǵynyń laýreaty, AQSh fızıgi Robert Rıchardson dúnıeden ozdy.
Kornell ýnıversıtetiniń professory R.Rıchardson júrek aýrýynan aqpannyń 19-y kúni Itaka qalasynda qaıtys boldy. Týǵan jeri - Vashıngton. Ol Vırgın tehnologııalyq ınstıtýtynda bilim alyp, Dıýk ýnıversıtetiniń aspırantýrasynda oqydy. Kornell ýnıversıtetinde 1968 - 2012 jyldar aralyǵynda qyzmet etti. Sol jerde júrip, 1996 jyly ol áriptesteri - Devıd Lı jáne Dýglas Osheroff úsheýi gelıı-3-tiń quramyn zerttegeni úshin Nobel syılyǵyna ıe boldy. 1972 jyly olar asa tómen temperatýrada ızotoptardyń jyldam aǵynyn ashty.
