Nobel syılyǵynyń laýreaty Marrı Gell-Mann ómirden ozdy

NUR-SULTAN. QazAqparat - AQSh-ta 89 jasynda fızık, Nobel syılyǵynyń laýreaty Marrı Gell-Mann qaıtys boldy. Bul týraly juma, 24 mamyr kúni Santa-Fe Instıtýtynyń saıtynda jarııalandy.

«Osynaý aýyr mınýtta ǵalymnyń týǵan-týystaryna qaıǵyryp kóńil aıtamyz»,-delingen habarlamada.

Gell-Mann Nıý-Iorkte 1929 jyly týǵan. 15 jasynda Ielsk ýnıversıtetine oqýǵa barady, sońynan Massachýsetsk tehnologııa ınstıtýtynyń aspırantýrasyna tústi.

23 jasynda fızıkanyń qarapaıym bólshekter salasynda revolıýtsııa jasap, kaondar men gıperondar sııaqty qarapaıym bólshekterge túsinikteme bergen jumysyn jarııalady.

1969 jyly Gell-Mann qarapaıym bólshekterdiń ózara árekettestigi men jiktelimine qosqan úlesi úshin fızıka salasynda Nobel syılyǵyn aldy.