Nobel syılyǵynyń laýreaty Fransýa Jakob ómirden ozdy
ASTANA. 22 sáýir. QazAqparat - Frantsııalyq mıkrobıolog pen genetık, fızıka jáne medıtsına boıynsha Nobel syılyǵynyń laýreaty Fransýa Jakob jeksenbi kúni Parıjde 92 jasynda qaıtys boldy.
Bul týraly jergilikti BAQ ókilderi habarlap otyr.
Jakob 1920 jyly frantsııalyq Nansı qalasynda dúnıege kelgen. Er jetken soń, ol Sorbonna ýnıversıtetiniń medıtsınalyq fakýltetine tústi. Alaıda soǵys bastalyp, oqýyn támamdaı almady. Tek 1947 jyly ǵana hırýrgtiń dıplomyn ıelendi. Bul kezde Jakob Frantsııanyń joǵary áskerı marapattarynyń biri -Azattyq ordenin alǵan bolatyn.
Ol 1950 jyldardan bastap Paster ınstıtýtynda bakterııalardaǵy genetıkalyq mehanızmderdi zertteýmen shuǵyldandy. Jakob jáne onyń áriptesteri Andre Lvov, Jak Mono fermentter men vırýstardyń sıntezi salasyndaǵy jumystary úshin Nobel syılyǵymen marapattalǵan.
Ǵalym bar ǵumyryn genetıka salasyn zertteýge arnady.
