Nobel syılyǵynyń laýreaty Djon Nesh qaza tapty
ASTANA. QazAqparat - Amerıkandyq matematık, ekonomıka salasy boıynsha Nobel syılyǵynyń laýreaty Djon Nesh Nıý-Djersıde kólik apatynan qaza tapty. Ol 86 jasta edi.
Djon Nesh mingen taksı kóligi apatqa ushyraǵan. Onymen birge kólikte bolǵan áıeli de ajal qushty. Jergilikti NJ.com basylymynyń habarlaýynsha, olar qaýipsizdik beldigin taǵynbaǵan. Aıta keteıik, Nesh ekonomıka boıynsha Nobel syılyǵynyń laýreaty ataǵyn 1994 jyly aldy. Oǵan Neshtiń 1949 jyly 21 jasynda jazǵan oıyndar teorııasy týraly dıssertatsııalyq jumysy laıyq dep tanyldy.
