Nobel syılyǵynyń ıegerleri bolashaq energııasyn ilgeriletý manıfestin ázirledi - AEF
«Astananyń «EKSPO-2017» ıdeıasy álemge taralýynyń jalǵasýy óte mańyzdy. Biz osy jerde arnaıy manıfest daıyndaǵanymyzdy atap ótkim keledi. Ol búkil álemdegi Nobel syılyǵynyń laýreattaryn qosa alǵanda joǵary deńgeıdegi 12 adamnan turatyn uıymdastyrý komıteti tarapynan ázirlendi. Bul manıfestte búkil álemge Astananyń «EKSPO-2017» kórmesindegi ıdeıasynyń jetýi úshin Qazaqstan tarapynan qanadı bastamalar kóterilýi tıistigi aıtylǵan», - dedi ol.
Onyń aıtýynsha, qujattaǵy mańyzdy usynystardyń biri bolashaq energııasynyń jahandyq ınstıtýtyn qurý tóńireginde bolyp otyr.
«Álemniń búkil elderimen ulttyq deńgeıde baılanys ornata alatyn dál sondaı ınstıtýt qurylatyn bolsa, onda bul biz úshin eń aldymen álemniń árbir eli úshin jol kartasyn ázirleýdi jeńildete túser edi», - Radjendra Kýmar Pachaýrı.
Nobel syılyǵynyń laýreatynyń atap ótýinshe, atalǵan ınstıtýt bul saladaǵy álemdik bilimdi toptastyryp, ońtaıly tehnologııalyq sheshimderdi paıdalanýǵa múmkindik beredi.
«Energetıkalyq sektor osydan 50 jyl burynǵy bilimge arqa súıep otyr. Máselen, kómirsýtek shıkizatyn jaǵatyn jylý elektr stansalar. Menińshe bul óte eski tehnologııa. Basqa da tásilderi bar. Elektrmen jabdyqtaý júıesi sońǵy 5-6 jyldyń ishinde aıtarlyqtaı ózgeriske ushyrady. Menińshe, muny ınstıtýttyq problema dep ataýǵa bolady. Qazaqstan tamasha el jáne onyń basshylyǵy bolashaq energııasy jahandyq ınstıtýtyn qurý arqyly bul olqylyqtyń ornyn toltyra alar edi», - dedi Radjendra Kýmar Pachaýrı.
