Nobel syılyǵynyń ıegeri júldesin otandastarynyń qajetine jumsady
ASTANA. 5 qarasha. QazAqparat - Nobel syılyǵyna ıe bolǵan ıemendik boıjetken júldesin 2011 jyly osy elde oryn alǵan revolıýtsııadan zardap shekkender men qaza tapqandardyń otbasylaryna taratyp berdi, dep habarlady muslim.kz.
«Men bul sátti ózime eń qundy nárseni sadaqa etý úshin kúttim»,- dep jazypty Tavakkýl Karmen óziniń «Feısbýk»-tegi paraqshasynda.
Ol barlyq qarajatty Sananyń mádenı ortalyǵynda «Revolıýtsııa kezinde jaraqat alǵandar men qaza tapqandardyń otbasyna kómektesý qoryna» tapsyrdy.
2011 jylǵy Iemendegi revolıýtsııanyń basy-qasynda júrgen Karman alǵashqy kúnderi-aq tutqyndalǵan bolatyn. Ol jastar qozǵalysynyń kórnekti tulǵasyna aınaldy. Qaısar boıjetken eldi otyz jyl boıy bılep-tóstegen Saleh otbasyn bılikten ketýin talap etti. Óziniń osy qaıyrymdylyq sharasyn ádildik pen erkindik úshin qurban bolǵan jastar aldyndaǵy boryshym dep bilgen qaısar qyzdyń bul isin erlikke balaǵandar da barshylyq.
