Nobel syılyǵynyń ıegeri, jazýshy Gabrıel Garsıa Markes aýyr syrqatqa shaldyqty

«Júz jyldyq jalǵyzdyqtyń» 85 jastaǵy avtory kárilikke baılanysty aqylynan aljasý dertine ushyrady.

Bul týraly jazýshynyń baýyry aıtyp berdi. «Onyń este saqtaý qabileti joǵalǵan. Keıde ony joǵaltatynymdy sezinip, eriksiz kózime jas alamyn», - dedi ol. Gabrıel Garsıa Markes densaýlyǵyna baılanysty endi jaza almaıtyn boldy. Bul týraly Lenta.ru habarlady.

Jazýshynyń baýyry sondaı-aq Markestiń dene qalpyn jaqsy ustaıtynyn jáne ózine tán ázili men qulshynysyn joǵaltpaǵanyn aıtady.

Budan buryn jergilikti BAQ Markestiń aýyr syrqatqa shaldyqqany jaıly jazǵan bolatyn, alaıda osyǵan deıin resmı túrde bunyń anyq-qanyǵy aıtylmaı keldi.

Gabrıel Garsıa Markes ádebıettegi «qudiretti realızm» dep atalatyn zamanaýı aǵymnyń negizin qalaýshylardyń biri bolyp tabylady. Markestiń eń tanymal shyǵarmalarynyń qatarynda «Júz jyldyq jalǵyzdyq» romany men «Polkovnıkke eshkim de hat jazbaıdy» povesi bar, dep habarlaıdy Eýrazııa birinshi arnasy.