Nobel syılyǵynyń ıegeri R. Mandelldiń qatysýymen G-Global jobasynyń «Aı tulǵasy» onlaın konferentsııasy iske qosyldy
ASTANA. 12 maýsym. QazAqparat - G-Global ınfo-kommýnıkatsııalyq alańynda G-Global jobasynyń «Aı tulǵasy» atty ınteraktıvti onlaın konferentsııasy iske qosyldy. 2013 jyldyń maýsym aıynda «Aı tulǵasy» bolyp ekonomıka salasy boıynsha 1999 jylǵy Nobel syılyǵynyń laýreaty Robert Mandell atandy. Bul týraly «Ǵalymdardyń Eýrazııalyq ekonomıkalyq klýby» Qaýymdastyǵynyń baspasóz qyzmetinen habarlandy.
Professor, halyqaralyq standartty makroekonomıkalyq modeldiń negizin qalaýshy Robert Mandell - halyqaralyq ekonomıkanyń ekonomıkalyq teorııasy týraly talaı maqalalar men ǵylymı jumystardyń avtory. Professor Eýropanyń biregeı valıýtasyn shyǵarý týraly alǵash jospar daıyndaǵan tulǵalardyń biri. Robert Mandell myrzany «eýronyń ákesi» dep te ataıdy. Ol - kiris pen ınflıatsııa teorııasyn, valıýtalyq jáne fıskaldi saıasatty ózara biriktirý teorııasyn oılap tapqan ǵalym. Konferentsııa taqyryby «Eýro aımaǵy jáne onyń turaqtanýy» bolyp belgilengen. Onlaın-konferentsııa siltemesi: http://group-global.org/person/view/117914
Robert Mandelldyń qatysýymen «Aı tulǵasy» atty ınteraktıvti onlaın konferentsııasy 30 maýsymǵa deıin jalǵasady.
Toqtala keteıik, «Aı tulǵasy» - Dúnıejúzine tanymal sarapshylardyń qatysýymen ótetin ınteraktıvti onlaın konferentsııa. Aı saıyn konferentsııa barysynda www.group-global.org saıtynda shaqyrylǵan tulǵa onlaın rejıminde portal qatysýshylarynyń suraqtaryna jaýap beredi, pikirin bildirip, keńes beredi. Pikirtalasqa kez-kelgen adam qatysa alady.
