Nobel syılyǵynyń ıegeri Pablo Nerýdanyń ajaly neden bolǵanyn anyqtaý qolǵa alyndy
ASTANA. 9 aqpan. QazAqparat - Chılıdiń tanymal aqyny ári saıasatkeri bolǵan Pablo Nerýdanyń ajaly neden bolǵanyn anyqtaý maqsatynda marqumnyń súıegine eksgýmatsııa jasalynady.
Juma kúni Nerýdanyń atyndaǵy qordyń ókilderi Chılı soty osyndaı sheshim shyǵarǵany týraly málimdedi, dep habarlady «Azattyq».
Pablo Nerýda 1973 jyly Chılıde áskerı tóńkeristiń nátıjesinde bılikke Aýgýsto Pınochet kelgen soń birneshe kúnnen keıin aýrýhanada qaıtys bolǵan edi. Dárigerlerdiń qorytyndysynda onyń rak aýrýynan kóz jumǵany aıtyldy.
Ádebıet salasy boıynsha 1971 jyly Nobel syılyǵynyń ıegeri atanǵan Nerýdanyń óleńderine Chılıde áskerı rejımniń bıligi tusynda (1973-1990) tyıym salynǵan edi. Aqynnyń jaqtastary onyń ólimine áskerı hýntanyń qatysy bolýy múmkin dep seziktenip keldi.
2011 jyly jazda Nerýdanyń kómekshisiniń talaby boıynsha Chılı bıligi Nerýdanyń ólimine qatysty zertteý júrgizý týraly sheshim qabyldaǵan.
