Nobel syılyǵyn tabystaý rásiminiń formaty ózgeredi
NUR-SULTAN. QazAqparat – Nobel qory jeltoqsan aıynda ótýi tıis Nobel syılyǵyn tabystaý saltanaty koronavırýspen kúreske baǵyttalǵan shekteý sharalaryna baılanysty jańa formatta ótetinin jarııalady, dep habarlaıdy QazAqparat dw.com saıtyna silteme jasap.
«Bıyl Nobel aptalyǵy kóp adam bir jerge jınalyp, basqa elderden laýreattar Shvetsııa men Norvegııaǵa kele ala ma degen máselelerge qatysty jańa formattardy paıdalanatyn bolady», - delingen qordyń baspasóz habarlamasynda.
Sonymen qatar, qor tabystaý saltanatynyń jańa formatyn qoldana otyryp, Nobel syılyǵynyń osy bir rásimine, tipti laýreattardyń eshqaısysy jeke ózi qatysa almasa da sharany ótkizemiz dep úmittenetinin habarlaıdy.
«Biz 10 jeltoqsanda Oslo men Stokgolmde Nobel syılyǵyn tapsyrý saltanatyn áleýmettik qashyqtyqty saqtaýmen baılanysty shekteýlerdi eskeretin jańa formatty paıdalana otyryp ótkize alamyz dep úmittenemiz. Sonymen qatar keıbir laýreattar sharaǵa qatysa almaýy múmkin, tipti eshqaısysy rásimge qatyspaýy da yqtımal», - dep atap ótti Nobel qory.
2020 jyly Stokgolm ratýshasyndaǵy dástúrli banket bolmaıtyny bólek aıtylǵan.
2020 jylǵy Nobel laýreattarynyń esimderi 5-12 qazan aralyǵynda jarııalanady dep josparlanyp otyr.
