Nobel syılyǵynyń laýreattary Astanaǵa jınaldy
Elordada dástúrli Nobel fest festıvali bastaldy. Altynshy ret uıymdastyrylyp otyrǵan is-sharanyń taqyryby – jasandy ıntellekt, dep habarlaıdy QazAqparat tilshisi.
Nobel festıvaliniń negizin qalaýshy jáne bas dırektory Maqsat Qurbanov 2009 jyly alǵash ret Nobel syılyǵy laýreatynyń Qazaqstanǵa saparyn uıymdastyrdy. Sodan beri elimizdiń qalalarynda álemdik deńgeıdegi ǵalymdardyń dáristerin uıymdastyryp júr.
«2019 jyly men Nobel syılyǵyn tapsyrýǵa qatysý úshin Nobel komıtetiniń múshesi bolyp shaqyryldym. Sodan keıin maǵan Nobel festıvalin ótkizý ıdeıasy keldi. Nelikten bul mańyzdy? Barlyq damyǵan elder Nobel konferentsııalary-sımpozıýmdar ótkizedi. Sebebi álem ǵalymdary sońǵy ǵylymı jetistikterdiń negizin qalaýshylar. Biz úshin jas memleket jáne progressıvti qoǵam retinde álemdik bilimdi qabyldaý mańyzdy», - dedi Maqsat Qurbenov festıvaldiń ashylýy saltanatynda.
Úsh kúnge sozylatyn festıvalge Nobel syılyǵynyń laýreattary, vızıonerler, bıznes sarapshylar qatysyp jatyr.
«Qazir ǵylymǵa, bilimge degen kózqaras ózgerdi. Ǵylymı tehnologııalyq revolıýtsııanyń aldynda turmyz. Ótken jyldyń qarasha aıynda birqatar qyzyqty jańalyqtar shyqty. «OpenAI» degen kishkentaı ǵana kompanııa jasandy ıntellektiniń algorıtmin jasap shyǵardy. Sodan keıin birden salada báseke ósti. Microsoft kompanııasy birden «OpenAI»-diń jasandy ıntellekt algorıtmin 10 mlrd teńgege satyp aldy. Google kompanııa bıylǵy jyldy jasandy ıntellekt dep jarııalady. Taǵy bir jańalyq AQSh-tyń energetıka mınıstri ulttyq zerthananyń negizinde termoıadorlyq reaktordy júzege asyrǵanyn habarlady. Іzin ala Qytaı 2028 jyly termoıadorlyq reaktordy iske qosamyz dep jarııalady», - dedi Ǵylym jáne joǵary bilim mınıstri Saıasat Nurbek.
