Nobel syılyǵynyń laýreaty marapatqa ıe bolǵanyn bilmeıdi

ASTANA.KAZINFORM -  Nobel syılyǵynyń komıteti fızıologııa jáne medıtsına salasyndaǵy Nobel syılyǵynyń laýreaty Frederık Ramsdellmen baılanysa almady. Sebebi ǵalym «Aıdaho shtatynyń bir jerinde baılanys aıasynan tys jerde», - dep habarlaıdy TASS.

France-Presse agenttiginiń habarlaýynsha, ǵalymnyń áriptesi Djeffrı Blýstoýn Ramsdelldiń Nobel syılyǵyn alǵanyn áli estimegenin aıtqan.

- Doktor Ramsdell tabıǵat aıasynda demalǵandy, jaıaý serýendegendi jaqsy kórdi. Ol neshe kúnnen beri baılanys aıasynan tys jerde, - dedi Ramsdell teń quryltaıshysy sanalatyn bıotehnologııalyq Sonoma Biotherapeutics kompanııasy.

Esterińizge sala keteıik, keshe fızıologııa jáne medıtsına salasyndaǵy Nobel syılyǵynyń ıegeri jarııalanǵan bolatyn.

Jeńimpazdar AQSh pen Japonııa ǵalymdary — Merı E. Brýnkov, Frederık Ramsdell jáne Shımon Sakagýchı. Syılyq ǵalymdardyń perıferııalyq ımmýndyq toleranttylyq jónindegi zertteýleri úshin berildi.

Kazinform úshin arnaıy TASS seriktestik agenttigi usynǵan.