Túrkistan oblysynda memlekettik qyzmetshiler qumar oıyndaryn oınaǵan
TÚRKІSTAN. KAZINFORM – Anyqtalǵan zań buzýshylyqtar boıynsha prokýratýra tarapynan prokýrorlyq qadaǵalaý aktisi engizilip, ony qaraý nátıjesinde memlekettik organdardyń 4 qyzmetkeri atqaryp otyrǵan laýazymdarynan bosatyldy.
Túrkistan oblysy Saryaǵash aýdanynyń prokýratýrasy memlekettik organdar qyzmetkerleriniń zańnama talaptaryn, qyzmettik tártipti jáne memlekettik qyzmetshilerge qoıylatyn shekteýlerdi saqtaýyna taldaý júrgizdi.
Taldaý nátıjesinde memlekettik organdar qyzmetkerleriniń jumys ýaqytynda qumar oıyndarǵa qatysý faktileri anyqtaldy.
Atalǵan áreketter memlekettik qyzmet qaǵıdattaryna, qyzmettik ádep talaptaryna qaıshy keledi jáne memlekettik organdardyń bedeline nuqsan keltiredi.
Anyqtalǵan zań buzýshylyqtar boıynsha prokýratýra tarapynan prokýrorlyq qadaǵalaý aktisi engizilip, ony qaraý nátıjesinde memlekettik organdardyń 4 qyzmetkeri atqaryp otyrǵan laýazymdarynan bosatyldy.
Prokýratýra organdary zańdylyqty qamtamasyz etý, qyzmettik tártipti nyǵaıtý jáne memlekettik qyzmettiń bedeline nuqsan keltiretin quqyq buzýshylyqtardyń aldyn alý baǵytyndaǵy jumystardy jalǵastyrady.
Aıta ketelik Qazaqstanda 3,1 mlrd teńgege jýyq qarajatpen baılanysy bar qumar oıyn shemasy ashylǵan edi.
