Nobel syılyǵy laýreattarynyń esimderi 6-13 qazanda jarııalanady
ASTANA. KAZINFORM - 2025 jylǵy Nobel syılyǵynyń laýreattary 6-13 qazan aralyǵynda Stokgolm men Osloda jarııalanady. Bul týraly Kazinform TASS agenttigine silteme jasap habarlaıdy.
Nobel qorynyń press-relızinde habarlanǵandaı, fızıologııa jáne medıtsına salasyndaǵy laýreattyń esimin 6 qazanda Karolınskıı ınstıtýty janyndaǵy Nobel komıteti, fızıka jáne hımııa salasy boıynsha - Nobel komıtetteri jarııalaıdy.
7 jáne 8 qazanda Koroldik ǵylym akademııasynyń, 9 qazanda Shvetsııa akademııasy ádebıet salasyndaǵy tańdaýlary týraly aıtady.
Beıbitshilik boıynsha Nobel syılyǵynyń laýreaty 10 qazanda Osloda belgili bolady. Ony Norvegııalyq Nobel komıteti jarııalaıdy.
Alfred Nobeldi eske alýǵa arnalǵan shved Rıksbank syılyǵynyń ıegerin 13 qazanda Stokgolmdegi Koroldik ǵylym akademııasy janyndaǵy Nobel ekonomıka komıteti anyqtaıdy.
Eske sala keteıik, buǵan deıin 2025 jylǵy «Gremmı» syılyǵynyń jeńimpazdaryn jazǵan edik.