Nobel marapatynyń ıegeri tarıhta alǵash ret ony bássaýdada satty
ASTANA. QazAqparat - DNK qurylymyn alǵashqy ashýshylardyń biri amerıkandyq ǵalym Djeıms Ýotson Nobel medalin beısenbi kúni Nıý-Iorkte Christie's bássaýdasy úıinde 4,1 mıllıon dollarǵa satty, dep habarlady reseılik «Jańalyqtar» agenttigi.
86 jastaǵy Ýotson óz nagradasyn satqan Nobel syılyǵy laýreattarynyń tarıhynda alǵashqy adam boldy.
Sonymen qatar Ýotsonnyń 1962 jylǵy 10 jeltoqsandaǵy Nobel komıtetinde saltanatty rásimde sóılegen sóziniń tezısteri 300 myń dollarǵa, sondaı-aq onyń dáristeriniń qoljazbalary men shımaı dápterleri 200 myń dollarǵa satyldy.
Budan buryn ǵalym túsken qarajatty qaıyrymdylyq sharalaryna jumsaıtynyn aıtqan bolatyn. «Men Cold Spring Harbor zerthanasyna, Chıkago ýnıversıtetine jáne kembrıdjdik Clare College-ge jańa qaıyrymdylyq aktsııalaryn júrgizetin sátti asyǵa kútýdemin, sóıtip, úlken ıdeıalar men parasattylyq bar akademııalyq ortany saqtaýǵa óz úlesimdi qospaqpyn», - degen bolatyn Ýotson.
2007 jyly ol Cold Spring Harbor zerthanasy basshysy qyzmetinen ketti, onda ol 25 jyl boıy qaterli isik genetıkasyn zertteýmen aınalysqan bolatyn.
Ýotson 1962 jyly óziniń árptesteri Frensıs Krıkpen jáne Morıs Ýılkınspen birge DNK molekýlalarynnyń qurylymyn ashqany úshin fızıologııa men medıtsına salasynda Nobel syılyǵyn aldy.
