Nobel laýreattarynyń qoltańbasy bar teleskop Qazaqstandaǵy oqýshylarǵa syıǵa berildi
ASTANA. KAZINFORM — Mártebeli meımandar Alem.ai halyqaralyq jasandy ıntellekt ortalyǵyn aralady. Prezıdent Qasym-Jomart Toqaevqa, Belgııalyqtar Koroli Fılıpp pen Patshaıym Matıldaǵa mýzeı ekspozıtsııasy, robotty tehnıka aımaǵy jáne JI-kınoteatr múmkindikteri tanystyryldy, dep habarlaıdy Aqordanyń baspasóz qyzmeti.
Qurmetti qonaqtarǵa Alem.ai ortalyǵyn damytýdyń uzaqmerzimdi strategııasy, TUMO Astana bilim berý baǵdarlamasy, sondaı-aq Qazaqstan-Belgııa birlesken jasandy ıntellekt jáne matematıka zerthanasynyń jumysy týraly málimet berildi.
Zerthanada NeuroLearn (JI, neıroǵylym men beıimdep oqytý salalaryndaǵy zertteýler) jáne ParkScreen (Parkınson aýrýyn aldyn ala anyqtaıtyn JI skrınıng ádisteri) sekildi bastamalar qolǵa alynǵan.
Іs-shara barysynda Gent ýnıversıtetiniń atynan Qazaqstannyń talantty oqýshylary men stýdentterine teleskop tabystaldy.
Teleskopta Nobel syılyǵynyń fızıka salasy boıynsha laýreattary Fransýa Englerdiń, Gerard ’t Hoofttyń jáne Mıshel Maıordyń, sondaı-aq belgııalyq astronavt Frank De Vınneniń qoltańbasy bar.
Budan buryn Toqaev pen Korol Fılıpp Qazaqstan-Belgııa iskerlik keńesiniń tórtinshi otyrysyna qatysqanyn jazǵanbyz.
