Nobeldik syılyqqa kandıdattardyń rekordtyq sany usynylyp otyr
ASTANA. Naýryzdyń 10-y. QazAqparat - Aǵymdaǵy jyly Nobeldik Beıbitshilik syılyǵyna kandıdattardyń rekordtyq sany usynylyp otyr. «Usynylǵandardyń qorytyndy sany 237 adamdy jáne 38 uıymdy quraıdy.
Bul buryn-sońǵy bolmaǵan rekordtyq kórsetkish», dep málim etti Oslodaǵy Nobel ınstıtýtynyń basshysy Gır Lýndestad.
Byltyr, osynaý nagrada AQSh Prezıdenti Barak Obamaǵa buıyrǵan kezde, Nobeldik komıtettiń músheleri laýreatty 205 adam men uıymnyń tiziminen tańdaǵan bolatyn.
Bıylǵy laýreattyń esimi qazan aıynyń basynda jarııa etiledi de, al nagradany tabys etý rásimi Osloda jeltoqsannyń 10-y kúni ótedi, dep habarlaıdy «Maıak» radıosy.
