NKOK kompanııasy Kaspııde 544 myń qus baryn eseptedi
«Kompanııa 2000 jyldan beri jyl saıyn qustardy zertteıdi: kóktem jáne kúz mezgilderinde jylyna eki ret baqylaý júrgizedi. Ornıtologııalyq zertteýler Edil saǵasynan Embi saǵasyna deıin, Atyraýdan Aqtaýǵa deıingi aralyqty qamtıdy. Zertteýshiler tobynyń quramyna ornıtologııa salasyndaǵy QR jetekshi mamandary, Atyraý jáne Mańǵystaý oblystyq orman sharýashylyǵy jáne janýarlar álemi aýmaqtyq ınspektsııasynyń ınspektorlary, sondaı-aq NKOK ekologtary kiredi», - dep habarlady kompanııanyń baspasóz qyzmeti QazAqparat tilshisine.
2018 jyly kúzgi mıgratsııa kezinde qustar popýlıatsııanyń tyǵyzdyǵy joǵary bolǵan.
«Qazanda zertteý júrgizý kezinde 544 myń qus esepteldi. Bul buǵan deıingi kórsetkishterdiń ishindegi eń joǵarysy. Sybyrlaýyq aqqýdyń sany 2000 jyldan bergi kórsetkishterdiń ishinde eń joǵary deńgeıge jetip, 91 000 qurady. Qustardyń mekendeıtin oryndary de ózgerip jatyr. Komsomolets shyǵanaǵynyń shyǵys bóligin qoqıqazdar men sybyrlaýyq aqqýlar mekendemeıtin bolǵan, sebebi teńiz deńgeıiniń tómendeýi saldarynan sýy tartylǵan. Embi ózeniniń saǵasy da, Edil men Jaıyq ózenderiniń saǵasy arasyndaǵy aýmaq ta dál osyndaı jaǵdaıda. Osyǵan baılanysty qustar Túlen araldary aýmaǵyndaǵy jyly jáne shaǵyn sýlarǵa shoǵyrlanýda», - dedi kompanııanyń baspasóz qyzmetinen.
Avtor: A. Sokolov