NKOK Kaspııdegi jańa ken oryndaryn óńdeýge kirisedi

ATYRAÝ. QazAqparat - «Nort Kaspıan Opereıtıng Kompanı N.V.» (NKOK) Kaspıı teńizindegi Qalamqas-teńiz jáne Hazar ken oryndaryn óńdeýge kirisedi, dep habarlaıdy QazAqparat tilshisi.

«Kaspııdiń qazaqstandyq bóliginde ornalasqan Qalamqas-teńiz ken orny 2002 jyly ashyldy. Ol Qashaǵannan ońtústik-batysqa qaraı 120 shaqyrym qashyqta Hazar ken ornyna óte jaqyn ornalasqan. Qalamqas-teńizi men Hazar ken oryndarynyń munaı qory 70 mıllıon tonnany quraıdy», - dep habarlady NKOK-tyń densaýlyq, eńbek, qorshaǵan orta jáne qaýipsizdikti qamtamasyz etý jónindegi dırektory Ermek Marabaev.

35 uńǵymany burǵylaý 2030 jyly bastalmaq.

Eske salaıyq, Qalamqas-teńiziniń perspektıvasy 90-jyldary seısmıkalyq barlaý jumystarynyń nátıjesinde anyqtalǵan edi. Munaıdyń geologııalyq qory 284,5 mln tonnany, shyǵarý qory - 50,7 mln tonnany qurap otyr.