NQA jobalarynan 28 myńnan astam jemqorlyq faktory tabylǵan
Bul týraly búgin ortalyq memlekettik jáne jergilikti atqarýshy organdardyń basshylarymen kezdesýde Sybaılas jemqorlyqqa qarsy is-qımyl agenttigi tóraǵasynyń orynbasary Maqsat Qojabaev aıtty.
Onyń aıtýynsha, búgingi tańda sybaılas jemqorlyqqa qarsy saraptamamen 11 myńǵa jýyq NQA jobasy qamtylǵan, onda 28 myńnan astam sybaılas jemqorlyq faktory anyqtalǵan.
Qorytyndysy boıynsha 5 myńǵa jýyq quqyqtyq qujat qabyldanyp, qoldanysqa engizildi.
Nátıjesinde qabyldanǵan NQA-nyń jartysynan astamynda ázirleý kezeńinde de sybaılas jemqorlyq táýekelderi alynyp tastaldy.
Qabyldanǵan NQA-ny taldaý kórsetkendeı, barlyq vedomstvolar qujattardy sybaılas jemqorlyqqa qarsy saraptama arqyly júrgizbeıdi jáne osyǵan uqsas jobalarda buryn belgilengen sybaılas jemqorlyq táýekelderin joıý boıynsha júıeli sharalar qabyldaıdy.
A ǵymdaǵy jyldyń 2 aıynda memlekettik organdar 85 jobany saraptamaǵa jibermedi.
Al ázirlenip jatqan kóptegen normalarda sybaılas jemqorlyq táýekelderi bar.
«Memlekettik organdaǵy quqyq shyǵarmashylyǵy qyzmetiniń tıimdiligin arttyrý, onyń ishinde NQA jobalaryn ázirleıtin qyzmetkerler úshin turaqty jáne dáıekti semınar-trenıngter ótkizý; budan basqa, NQA jobalarynda quqyq qoldanýshylardy Qylmystyq kodekstiń 15-taraýynda reglamenttelgen sybaılas jemqorlyq qylmystyq quqyq buzýshylyqtar jasaýǵa ákep soǵýy múmkin sybaılas jemqorlyq faktorlaryna jol bermeýge nazaryn aýdarý qajet», - dep atap ótti M. Nárikbaev atyndaǵy QazGZÝ ǵylymı saraptama jáne taldaý ınstıtýty dırektory M. Qoǵamov
Sondaı-aq, ol NQA jobasyn ázirleýshi men ǵylymı quqyqtyq sarapshy arasyndaǵy turaqty baılanys, ásirese sybaılas jemqorlyqqa qarsy ǵylymı saraptama qorytyndysyn alǵannan keıingi kezeńde, saraptama barysynda anyqtalǵan sybaılas jemqorlyq normalaryn joıý maqsatynda ózekti ekenin atap ótti.
Keńes nátıjeleri boıynsha ázirleýshi organdarǵa zań shyǵarý qyzmetin kúsheıtý jáne NQA jobalarynda sybaılas jemqorlyq faktorlaryna jol bermeýge nazar aýdarý usynyldy.
