Nıjat Rahımov Álem chempıonatynda medalsiz qaldy
ASTANA. QazAqparat - Ashhabadta aýyr atletıkadan ótip jatqan Álem chempıonatynda el namysyn qorǵaǵan Nıjat Rahımov Álem chempıonatyn segizinshi orynmen aıaqtady, dep habarlaıdy QazAqparat tilshisi.
Nıjat Rahımov birinshilikte 73 kelige deıingi salmaq dárejesinde óner kórsetýge shyqty. Julqa kóterýde qazaqstandyq atlet 147 keli salmaqty kóterip, qarsylastarynan birshama qalyp qoıdy. Serpe kóterýde Rahımov birinshi múmkindikte 185 keli salmaqty sátti kóterip bastady. Ekinshi múmkindiginde Nıjat 190 keli salmaqty baǵyndyryp, úshinshi múmkindikke shyqpady. Osylaısha, sportshy 337 keli salmaqpen, jalpy jarystyń segizinshi orynyna taban tiredi.
Aıta ketsek, óz tobynda Rahımov serpe kóterý saıysynda úshinshi orynmen aıaqtady.
Aıta ketsek, Rahımov pomostqa shyǵar aldynda Ilıa Ilın onyń Álem chempıonatyndaǵy ónerine boljam jasap, sportshynyń daıyndyǵy jaqsy ekenin habarlaǵan edi.
Eske sala ketsek, Rıo-de-Janeıroda eki jyl buryn HHHІ Olımpıada oıyndarynyń besinshi kúninde Nıjat Rahımov Qazaqstan quramasyna alǵashqy altyn medaldy salǵan bolatyn.
