Nızamı Gánjaýı 880 jyldyǵyna arnalǵan halyqaralyq konferentsııa ótti
Akademııa onlaın formatta ótkizgen jıynǵa Halyqaralyq Túrki akademııasynyń prezıdenti Darhan Qydyráli, Nızamı Gánjaýı atyndaǵy halyqaralyq ortalyqtyń teń tóraıymy, Latvııanyń buryńǵy prezıdenti Vaıra Vıke-Fraıberga, Nızamı Gánjaýı atyndaǵy halyqaralyq ortalyqtyń teń tóraǵasy, Dúnıejúzilik banktiń buryńǵy vıtse-prezıdenti Ismaıl Serageldın, Nızamı Gánjaýı atyndaǵy halyqaralyq ortalyqtyń Bas hatshysy Rovshad Mýradov, Túrki mádenıeti jáne mırasy qorynyń prezıdenti Gúnaı Efendıeva,Túrkııa Parlamenti jáne Eýropalyq Keńes Parlamenttik Assambleıasynyń múshesi, Islam Yntymaqtastyǵy Uıymynyń burynǵy Bas hatshysy Ekmeleddın Ihsanoglý, ISESKO uıymynyń burynǵy dırektory Ábdýlazız Altýaıdjrı, Ózbekstan Ulttyq Ǵylym akademııasy Ádebıet, til jáne folklor ınstıtýtynyń dırektory Nızamaddın Mahmýdov, Qyrǵyz Respýblıkasynyń eks-Premer-Mınıstri Djoomart Otorbaev, Túrkııanyń burynǵy Syrtqy ister mınıstri Hıkmet Chetın, Mavrıkıı Respýblıkasynyń eks-Prezıdenti Amına Gýrıb-Fakım, Ekvador Respýblıkasynyń eks-Prezıdenti Rozalııa Arteaga Serrano, Nazarbaev ýnıversıtetteriniń professory ıÝlaı Shamıloglý, sondaı-aq túrki elderiniń belgili memleket jáne qoǵam qaıratkerleri, tanymal ǵalymdar men zııaly qaýym ókilderi qatysty.
Halyqaralyq konferentsııa barysynda «Nızamı jáne onyń murasy», sonymen qatar «Nızamı jáne 2021 jyldaǵy álem» atty eki paneldik otyrys boldy.
Jıynnyń «Nızamı jáne onyń murasy» atty alǵashqy panelinde sóz sóılegen Akademııa basshysy D. Qydyráli Nızamı Gánjaýıdiń túrki áleminde alatyn orny týraly baıandap, konferentsııanyń sátti ótýine tilektestigin bildirdi.
«Biz «Nızamı jylyn» mańyzdy oqıǵadan bastadyq. Ótken jyldyń 30 jeltoqsanynda Nızamı Gánjáýı halyqaralyq ortalyǵymen Yntymaqtastyq týraly memorandýmǵa qol qoıdyq. Bul bizdiń ortalyqpen búkil álem boıynsha uly fılosof pen aqynnyń ıdeıalaryn nasıhattaıtyn alǵashqy birlesken is-sharamyz. Bizdiń osy baǵyttaǵy yntymaqtastyǵymyz tabysty jalǵasady dep oılaımyn. Men Nızamı Gánjáýı halyqaralyq ortalyǵyna, onyń basshylyǵyna jáne barsha qatysýshylarǵa mazmundy baıandamalary úshin zor rızashylyǵymdy bildirgim keledi. Búgingi joǵary deńgeıdegi is-shara Nızamı murasyna jáne onyń tanyla túsýine yqpal etedi dep senemiz», – dedi akademııa prezıdenti.