Nııazymbetovtiń Germanııadan Astanaǵa shuǵyl ketýine týra keldi - Myrzaǵalı Aıtjanov
ASTANA. QazAqparat -Germanııanyń Galle qalasynda ótip jatqan «Chemistry Cup» halyqaralyq boks týrnırine qatysyp jatqan Ádilbek Nııazymbetovtyń jartylaı fınalǵa ne úshin shyqpaǵany belgili boldy, dep habarlaıdy QazAqparat.
Bul týraly QazAqparat tilshisine Ulttyq quramanyń bas bapkeri Myrzaǵalı Aıtjanov málim etti.
«Bıyl QR Ulttyq Olımpıadalyq komıtettiń 25 jyldyǵy. Osyǵan oraı Astanada úlken is-sharalar ótip jatyr. Keshe QR Ulttyq Olımpıadalyq komıteti Ádilbek Nııazymbetovty eki dúrkin Olımpıada oıyndarynyń kúmis júldegeri retinde osy ótip jatqan sharaǵa qatysýǵa arnaıy shyqyrdy. Sol úshin ony jarystan bosatyp, bıletterin aýystyryp, elge salyp jiberdik. Sol úshin onyń qarsylasy Maksım Kotspen jartylaı fınalda shappaı kelesi kezeńge ótti», - dedi bas bapker.
Sonymen qatar M. Aıtjanov búgingi fınaldyq kezdesýdegi qazaq boksshylarynyń qarsylastaryn da atap ótti.
Jerlesterimizdiń qarsylastary tómendegideı:
Azamat Isaqulov - Ovık Oganesıan (Reseı)
Abylaıhan Júsipov - Abass Baraý (Germanııa)
Ábilhan Amanqul - Maks van der Pas (Nıderland)
Vasılıı Levıt - Vladımır Ýzýnıan (Reseı)
Qamshybek Qońqabaev - Andreı Gorodetskıı (Ýkraına).
