Nııazymbetovke páterdiń kilti tabystaldy
ASTANA. QazAqparat - Rıo Olımpıadasynyń kúmis júldegeri Ádilbek Nııazymbetov "Green Park" turǵyn úı kesheninen eki bólmeli páter aldy. Baspananyń kiltin Mańǵystaý oblysynyń ákimi Eraly Toǵjanov tapsyrdy, dep xabarlaıdy QazAqparat tilshisi Lada.kz saıtyna silteme jasap.
Ádilbek Nııazymbetov aımaq basshysyna óz alǵysyn bildirip, eki bólmeli páter alǵanyna asa qýanyshty ekenin jetkizdi. Aıta ketken jón, Rıo Olımpıadasynan kelgen boıda Ádilbek Nııazymbetov pen onyń bapkeri Marat Jákıevke "Toyota" markaly jol talǵamaıtyn kólikter tabystalǵan bolatyn. Al boksshy Berik Ábdiraxmanovqa 5 mıllıon teńgeniń kýáligi berilgen bolatyn.
Budan bólek, Mańǵystaý oblystyq sport basqarmasy "Adoka" atty sport kıimderin tanystyrǵan bolatyn. Bul brend Ádilbek Nııazymbetovtyń qurmetine arnalyp otyr. Kıimniń dızaıny qazaqtyń ulttyq naqyshyna negizdelgen.
