Nııazbı, Sarqyrama, Kóktoǵaı: Astana mańyndaǵy Lesnaıa polıananyń ataýy ózgerýi múmkin

ASTANA. QazAqparat - Aqmola oblysy Qosshy qalasyna qarasty «Lesnaıa polıana» shaǵynaýdanynyń ataýy ózgerýi múmkin. Osyǵan baılanysty aýdanda Qosshy qalasy ákiminiń orynbasary Bergen Jumkeıulynyń qatysýymen halyq tyńdaýy ótti, dep habarlaıdy QazAqparat tilshisi.

Jıynda Qosshy turǵyndary arasynan «Sarqyrama», «Nııaz bı» jáne «Kóktoǵaı» sekildi birneshe ataý usyndy. Jıynǵa qatysqan Qosshy qalasynyń turǵyny jazýshy, jýrnalıst Baqytbek Qadyrdyń aıtýynsha, kez-kelgen eldimekenge jańa ataý usyný - tarıhı topomınderge negizdeledi. Osyndaı onomastıkanyń mehanızmderi bar. Osy rette «Lesnaıa polıana» shaǵynaýdany jeke eldimeken emes. Bul Qosshy qalasyna qarasty shaǵynaýdan. Oǵan tarıhı ataý berýdiń keregi joq. Ekinshi shaǵynaýdan ataýlaryna adam esimin berý - ótken dáýirden qalǵan nárse. Jańa jerge jańa ataý kerek. Lesnaıa polıana - ormandy alqap degen sóz. Durystap qazaqshaǵa aýdarsaq Kóktoǵaı deýge bolady. Mundaı qazaqta jer-sý ataýlary tájirıbede bar. Máselen, Kókbekti, Kókjyra nemese Aqtoǵaı, Sartoǵaı t.b.

Sondyqtan men osy shaǵynaýdannyń ataýy «Kóktoǵaı» bolǵanyn jón kóremin. Menimen birge osynda turatyn bir top zııaly azamattar da men aıtqan ataýdy usynyp otyr. Onomastıka komıssııasy jergilikti turǵyndardyń ýájin eskeredi dep esepteımin», deıdi Baqytbek Qadyr.

Aıta keteıik, qoǵamdyq talqylaýdyń sońynda jıynǵa kelgen barlyq qatysýshylar ózderiniń usynǵan ataýlaryn ákimshiliktiń bergen ótinish qaǵazyna jazyp qaldyrdy. Uıymdastrýshylar osy usynylǵan ataýlardy qortyndylap, ony oblystyq onomastıkalyq komıssııaǵa tapsyratynyn aıtty.

Foto: yvision.kz