Nissan AQSh-tan 226 myń avtokólikti keri qaıtarý týraly sheshim qabyldady
ASTANA. QazAqparat - apondyq Nissan Motor Co avtokontserni qaýipsizdik jastyǵynyń aqaýy saldarynan AQSh-qa satylǵan 226 myń kólikti keri qaıtarý týraly sheshim qabyldady.
Bul týraly korporatsııa ókilderi habarlady.
2002 jyldan bastap 2004 jyl aralyǵy kezeńinde konveıerden shyqqan Sentra jáne Pathfinder modelindegi kólikter keri qaıtarylmaq. Japon avtokontserniniń birneshe úlgilerine ornatylǵan Takata Corp kompanııasy shyǵarǵan qaýipsizdik jastyqtarynyń aqaýy qosymsha tehnıkalyq qyzmet kórsetýge sebep boldy. Aldyńǵy jolaýshy kreslosyndaǵy jastyqty toltyratyn gazǵa arnalǵan konteınerdegi aqaý qurylǵy iske qosylǵan kezde kúıip ketýi ne bolmasa jarylýy ábden múmkin.
Maýsymnyń basynan bastap japondyq Toyota Motor Corp, Honda Motor Co. jáne Nissan jetekshi avtokontsernder sapasyz qaýipsizdik jastyǵy saldarynan 4,2 mln. astam kólikti keri qaıtarýǵa májbúr bolǵan.
