Nissan 600 myńnan astam kólikti qaıtaryp alady
ASTANA. KAZINFORM — Nissan avtokontserni 642 698 Nissan Rogue krossoverin eki kezeń boıynsha qaıtaratyny týraly jarııalady, dep habarlaıdy CBS.
Júz myńdaǵan kólikti qaıtarýǵa ony júrgizý kezinde qýattyń joǵalýyna ákelýi múmkin berilis qoraby men qozǵaltqyshtyń aqaýlary sebep boldy.
Birinshi kezeń boıynsha úsh tsılındrli, 1,5 lıtrlik VC-Turbo aınymaly qysý koeffıtsıenti týrbo qozǵaltqyshymen jabdyqtalǵan 2023–2025 jylǵy úlgidegi 323 917 kólik qaıtarylady. Ulttyq jol qozǵalysy qaýipsizdigi basqarmasynyń (NHTSA) málimetinshe, qozǵaltqyshtyń moıyn tirekteriniń isten shyǵý qaýpi bar, ol maıdyń aǵyp ketýine jáne órt qaýpin týǵyzady.
Ekinshi kezeń 2024–2025 jyldardaǵy birdeı týrbo qozǵaltqyshy bar 318 781 Rogue kólikterine qatysty. NHTSA málimetinshe, elektrondy drosseldi basqarý blogynda (ETCU) berilis aqaýy bolýy múmkin, bul da apat qaýpin arttyrady.
Barlyq jaǵdaıda dılerlik ortalyqtar dıagnostıka men tegin jóndeý jumystaryn júrgizedi. Kólik ıelerine habarlandyrý 2026 jyldyń 27 naýryzynda jiberiledi dep josparlanǵan.
Buǵan deıin Nissan 26 myńnan astam kóligin keri qaıtaryp jatqandyǵy týraly jazǵan edik.