Nysana kózdeýden Kaırdegi álem kýbogynda Qazaqstan quramasy 3 altyn aldy
ASTANA. KAZINFORM – Kaırde (Mysyr) jasóspirimder arasynda nysana kózdeýden álem kýbogynyń kezeńi aıaqtaldy. Qazaqstan quramasy atalǵan jarysta úsh altyn medal jeńip aldy.
Oleg Noskov týrnırdiń eki dúrkin jeńimpazy boldy. Ol 50 metr qashyqtyqta myltyqpen jatyp atýdan altyn júldege qol jetkizdi. Sonymen qatar Noskov 50 metr qashyqtyqta myltyqpen úsh qalyptan atý saıysynda da birinshi oryn aldy.
Al, Kırıll Tsýkanov 25 metr qashyqtyqta tapanshamen atýdan chempıon atandy.
Eske sala keteıik, buǵan deıin nysana kózdeýden álem kýbogynda Qazaqstan qorjynyna 2 altyn júlde túskenin habarlaǵanbyz.
