Nysana kózdeýden arýlarymyz komandalyq synda TOP-10-ǵa kirdi
ASTANA. KAZINFORM -HH jazǵy Azııa oıyndarynda aralas komandalyq saıysta jyldam atylatyn tapanshamen 25 metrden nysana kózdeýden irikteý kezeńi máresine jetti, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Qazaqstannyń áıelder komandasy komandalyq esepte 1703 upaı kórsetkishimen 9-oryn aldy.
Bas júlde Qytaıǵa buıyrsa, úzdik úshtikke Ońtústik Koreıa men Taıpeı kirdi. Al jekeleı synda Valerııa Popelova 575 upaımen 18-oryn, Nına Starova 566 upaımen 37-oryn jáne Sáýle Álimbek 562 upaımen 40-orynǵa turaqtady.
Otandastarymyzdyń kórsetkishi olardyń fınalǵa ótýine múmkindik bermedi.
Jalpy XX jazǵy Azııa oıyndary 4 qazanǵa deıin jalǵasady. Qazaqstan Ulttyq quramasynyń sapynda 558 sportshysy qatysyp jatyr. Olar jarys baǵdarlamasyndaǵy 35 sport túrinen júldege talasady.
Aıta keteıik, osyǵan deıin Qazaqstan quramasy ártistik júzýden Azııa oıyndaryndaǵy ekinshi qola júldesin jeńip alǵan bolatyn.
