Nysana kózdeýden álem kýbogynda Valerıı Rahımjan kúmis aldy

ASTANA. KAZINFORM - Nysana kózdeýden Germanııanyń Mıýnhen qalasynda ótip jatqan álem kýbogynda Valerıı Rahımjan kúmis medal jeńip aldy.

QR Týrızm jáne sport mınıstrligi Sportty damytý dırektsııasynyń baspasóz qyzmetieniń habarlaýynsha, tapanshamen 10 metrden oq atý saıysynda ol fınalda 241.9 upaı jınap, ekinshi orynǵa turaqtady. Munda qytaılyq Hý Kaı (242.3 ball) jeńimpaz atandy. Úzdik úshtikke germanııalyq Krıstıan Reıtts qol jetkizdi.

Aıta keteıik, irikteýde Valerıı 583 upaımen 6-satyǵa turaqtap, aqtyq synǵa joldama alǵan.

Bul álem kýbogyna 78 elden 695 tańdaýly mergen jınaldy. Mıýnhendegi álem kýbogy dástúrli túrde jyl saıyn osylaı qatysýshy memleket pen sportshy jaǵynan rekord jańartady. Jarys 15 maýsymda máresine jetedi. Qazir Qazaqstan qorjynynda 1 kúmis júlde bar.

Eske salsaq, budan buryn Germanııada nysana kózdeýden Álem kýbogynyń kezeńi ótetinin habarlaǵan edik.