Nysana kózdeýden álem kýbogynda qazaqstandyq sportshylar kúmis júldege ıe boldy

BAKÝ. KAZINFORM – Ázerbaıjan astanasy Bakýde ótip jatqan nysyna kózdeýden álem kýbogynda Qazaqstan quramasy alǵashqy júldege qol jetkizdi. 

Sportty damytý dırektsııasynyń málimetinshe, tapanshamen 10 metrden oq atýda Qazaqstan-2 quramasy fınalda túrkııalyq qarsylastaryna ese jiberdi. Osylaısha, Eldar Imankýlov pen Valerııa Popelova álem kýbogynda aralas juptyq synda alǵash ret kúmis júldeger atandy. Keshe qos sportshy jarystyń alǵashqy kúni irikteýde 578 upaı jınap, ekinshi orynǵa taban tiredi. 

Aıta keteıik, bul kezeń myltyq jáne tapansha ustaǵan mergender úshin lıtsenzııalyq, al stend atý sheberleri úshin Olımpıada reıtınginde upaı berilmeıtin jarys sanalady.

Bakýde el namysyn barlyǵy 21 otandasymyz qorǵaıdy. Jalpy álem kýbogynda 84 elden kelgen 699 sportshy synǵa túsip jatyr.