Nysana kózdeýden álem kýbogynda Islam Sátpaev úzdik ondyqqa endi

ASTANA. KAZINFORM – 2024 jylǵy Olımpıada oıyndarynyń qola júldegeri Islam Sátpaev nysana kózdeýden Mıýnhende (Germanııa) ótip jatqan álem kýbogynyń kezeńinde úzdik ondyqqa endi.

Sátpaev 50 metr qashyqtyqqa shaǵyn kalıbrli myltyqpen úsh qalypta atý boıynsha jarystyń fınalyna shyqty.

Sheshýshi saıysta ol 419.1 upaı jınady. Nátıjesinde Islam altynshy orynǵa turaqtady. 

Jarys jeńimpazy – norvegııalyq Djon-Hermann Egg (464.1 upaı). 

Kúmis júldeni reseılik Ilıa Marsov (462 upaı), al qola júldeni chehııalyq Jırı Prıvatskı (452 upaı) ıelendi.

Eske sala keteıik, osydan bir kún buryn 10 metrge pnevmatıkalyq tapanshamen atý saıysynda Qazaqstan atynan synǵa túsken Valerıı Rahymjan ekinshi oryn alǵan bolatyn.