Nysana kózdeýden álem kýbogy: Qazaqstan qorjynyna 2 altyn júlde tústi
ASTANA.KAZINFORM - Mysyr astanasy Kaırde ótip jatqan nysana kózdeýden jasóspirimder arasyndaǵy álem kýbogynda Qazaqstan qorjynyna 2 altyn júlde tústi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Áýeli tapanshamen 25 metrden oq atýda Ulttyq qurama sportshysy Kırıll Tsýkanov top jardy. Otandasymyz fınalda 581 upaı ıelendi.
Júldegerler, tapansha 10 m:
1. Kırıll Tsýkanov (Qazaqstan)
2. Radj Chandra (Úndistan) 580 upaı
3. Abhınav Deshval (Úndistan) 578 upaı
Taǵy bir otandasymyz Ramazan Yntyqbaı bul synda 9-satydan kórindi.
Al vıntovkamen 50 metrden jatyp nysana kózdeýde Oleg Noskov qarsylastaryna esh múmkindik qaldyrmady. Onyń enshisinde 616.3 upaı.
Júldegerler, vıntovka 50 m:
1. Oleg Noskov (Qazaqstan)
2. Rohıt Kanıan (Úndistan) 615.8 upaı
3. Arsenı Lıvantsov (Beıtarap atlet, Belarýs) 615.3 upaı
Mysyrdaǵy álem kýbogy 27 sáýirde aıaqtalady. Oǵan 25 memleketten 300-ge jýyq mergen jınaldy.
Qazir jalpykomandalyq esepte Qazaqstan 2 altynmen 1-orynǵa kóterildi. Odan keıin Úndistan (1 altyn, 3 kúmis, 2 qola) men Frantsııa kele jatyr (1 altyn, 1 qola).
Aıta keteıik, Tımofeı Skatov Shymkenttegi týrnırdiń shırek fınalyna joldama aldy.
