Nysana kózdeýden álem chempıonatynda Qazaqstan quramasy qola aldy

ASTANA. KAZINFORM - Qazaqstan quramasy nysana kózdeýden Mysyr astanasy Kaırde ótip jatqan álem chempıonatynda alǵashqy medaline qol jetkizdi.

Dúbirli dodada áıelder quramasy úshinshi orynǵa ıe boldy.El quramasynda Aleksandra Le, Arına Malınovskaıa jáne Elızaveta Bezrýkova 50 metrge úsh qalypta atý baǵdarlamasynda úshinshi nátıje kórsetti.

Altyn medal Qytaı quramasyna buıyrsa, kúmis júldeni Shveıtsarııa enshiledi.

Bıyl 54-shi márte uıymdastyrylyp jatqan jahandyq dodaǵa 73 elden 700-den astam sportshy keldi. Qazaqstannan 15 sportshyny qostyq. Olardyń arasynda Parıj Olımpıadasynyń júldegerleri Islam Sátpaev, Aleksandra Le bar. 

Qazaqstan ulttyq quramasynyń bas bapkeri áOlga Dovgýnnyń aıtýynsha, 2026 jyly Qatarda bolatyn álem chempıonatynda Los-Andjeles Olımpıadasyna lıtsenzııalyq upaı úlestiriledi.

Eske salsaq, budan buryn Islam Sátpaev Azııa chempıonatynda nysana kózdeýden altyn júlde aldy.