Nysana kózdeý: Aleksandra Le men Islam Sátpaev álem kýbogynda úzdik ondyqqa endi

ASTANA. KAZINFORM – Nysana kózdeýden Býenos-Aıreste (Argentına) ótip jatqan álem kýbogynyń kezeńinde Qazaqstannyń eki komandasy alǵashqy ondyqqa endi. Bul týraly UOK habarlady. 

Atap aıtqanda, Aleksandra Le men Islam Sátpaev pnevmatıkalyq vıntovkadan (10 metr) aralas komandalar arasyndaǵy jarysta 8-oryn aldy.

Dál osy baǵdarlamada Elızaveta Bezrýkova men Konstantın Malınovskıı 10-orynǵa turaqtady. 

Bul saıysta Qytaı quramasy jeńiske jetse, ekinshi oryndy Úndistan ıelendi. Al úzdik úshtikti Argentına túıindedi. 

Aıta keteıik, qazirgi tańda Qazaqstan quramasynyń enshisinde bir medal bar. Qola júldeni Arına Altýhova jeńip aldy.

Eske salsaq, buǵan deıin Olımpıadalyq salmaq dárejeleri ózgergenin habarlaǵan edik.