Ninety One tobynyń prodıýseri: «Juldyz» aýrýy Qazaqstanda ǵana bar
ASTANA. QazAqparat - «Juldyz» aýrýy Qazaqstanda ǵana bar. Bul týraly Habar telearnasynyń «Kompromat» baǵdarlamasynda atalǵan Ninety One tobynyń prodıýseri Erbolat Bedelhan aıtty, dep habarlaıdy QazAqparat.
«Jigitterdiń oılaý qabileti bastapqyda ózgeshe boldy. Erbolatqa jolyqqannan keıin belgili bir ýaqyttyń, 2-3 aı nemese 1 jyldyń ishinde ıdeologııalyq turǵyda jumys júrgen sııaqty. Mundaı ıdeologııalyq jumys júrgizýdi qaıdan úırendińiz jáne sizge kim úıretti?», - dep surady baǵdarlama júrgizýshisi top prodıýserinen.
«Ideologııalyq jumys dep aıta almaımyn, bul jerde tárbıelik jumystar boldy. Ártis retinde sen kimsiń, ózińdi qaı deńgeıde sanaısyń degen sııaqty. Bizde juldyz aýrýy degen bar. Negizinde shetelde juldyz aýrýy degen joq. Bul uǵym tek Qazaqstanda ǵana bar. Osynyń bárin balalarǵa túsindiremin», - dedi ol.
Sonymen qatar ol Ninety One toby tek Qazaqstanmen ǵana shektelmeı álemdik deńgeıde óner kórsetýine jumys isteıtindigin basa aıtty.
«Meniń maqsatym - qazaq ónerin eksporttaý. Kezinde «Orda» toby kostıým-shalbarmen krassovkı, kedı kıip shyqqanda da osyndaı áńgime boldy. Bizden úlken aǵa-aparymyz kóp syn aıtqan», - dedi top prodıýseri.
