«Ninety one» tobynyń múshesi «Jas Otannyń» Ortalyq keńesine saılandy

ASTANA. QazAqparat - «Jas Otan» jastar qanatynyń IV sezinde Ortalyq keńestiń jańa músheleri saılandy, dep habarlaıdy QazAqparat tilshisi.

Uıymnyń tóraǵasy Danııar Súndetbaev jáne aımaqtyq bólimshelerdiń 16 basshysy oryndarynda qaldy. Olardyń ishinde Astana men Almaty qalalarynyń eki tóraǵasy da bar.

Al Ortalyq keńeske saılanǵan jańa múshelerdiń ishinde «Arutas» beton buıymdaryn shyǵarý zaýytynyń dırektory Bekjan Álimqulov, «Ninety one» tobynyń ánshisi Dýlat Muhametqalıev, karateshi Islam Baıramov, «AqtóbeMunaıMashKomplekt» JShS qyzmetkeri Qýanyshbek Ábdirahmanov, Taldyqorǵan medıtsınalyq kolledjiniń jastar isi jónindegi komıtet tóraıymy Merýert Ábilqas, «NCOC N.V.» kompanııasynyń keńesshisi Іlııas Qonysbaev, ShQO Іshki saıasat basqarmasynyń jastar isi jónindegi bólim basshysy Erkebulan Baltabekov, «SANA» JShS dırektory Serikbol Berikqoja, «Jas Otannyń» aımaqtyq keńesshisi Jandos Súleımenov, «Altyn júrek» syılyǵynyń ıegeri Nııaz Súndetálıev, Qostanaı memlekettik pedagogıkalyq ınstıtýtynyń jastar men stýdenttik uıymdarmen jumys jónindegi bólim basshysy Abaı Júsipov, «Abzal ı Kompanııa» dırektory Maǵjan Eralıev, Jańaózen qalasynyń jastar isi jónindegi komıtet jetekshisi Ǵanı Qurmanǵalıev, úzdik spıker Rústem Armanov jáne Ońtústik Qazaqstan oblystyq ákimdiginiń «Qoǵamdyq kelisim» MKK aýdandyq fılıalynyń basshysy Abylaı Musabekov bar.

Aıta keteıik, búgin Astanadaǵy Kongress-ortalyqta «Jas  Otan» jastar qanatynyń IV sezi bastaldy. Bıylǵy shara jańa formatta uıymdastyrylyp otyr. Arnaıy konferentsııada uıymnyń jańa jarǵysy qabyldandy. Erteń gala-forým uıymdastyrylady. Onda «Jas Otannyń» tujyrymdamasy qabyldanady degen jospar bar. 


Foto: baribar.kz