Ninety One tobynyń músheleri ıÝNISEF-tiń Qazaqstandaǵy izgi nıet elshileri boldy
Atap aıtqanda, Q-Pop toptaǵy ánshiler Batyrhan Málik, Azamat Ashmaqyn, Dýlat Muhametqalıev, Danııar Kulymsha Qazaqstandaǵy ıÝNISEF-tiń izgi nıet elshileri bolyp taǵaıyndaldy. Osylaısha, Ninety One músheleri balalardyń quqyqtaryn qorǵaý jáne ilgeriletýmen aınalysatyn álemdegi basqa tanymal adamdardyń qataryna qosyldy.
«Qazaqstandaǵy ıÝNISEF-tiń izgi nıet elshisi bolý – biz úshin zor mártebe. ıÝNISEF tek bizdiń elde ǵana emes, búkil álemde aýqymdy jumys atqaryp keledi jáne mundaı jumysqa qoldaý kórsetý múmkindigine ıe bolǵanymyzǵa óte qýanyshtymyz. Mýzyka kópshilikti biriktiredi jáne biz mýzykamyzdyń kómegimen adamdardyń júregi men sanasyna jetip, Qazaqstandaǵy balalardyń aldynda turǵan asa mańyzdy máselelerdiń kóterilýin arttyra alamyz dep úmittenemiz», - dedi Ace.
Top músheleri jastardyń daýysy estilý kerek dep sanaıdy jáne olar oǵan mýzykanyń arqasynda qol jetkizýge tyrysady. Ánderimen el jastaryn ózin-ózi damytýǵa jáne ár adamnyń boıyndaǵy biregeılikti túsinýge shaqyrady.
«ıÝNISEF-tiń bir bóligi bolý – zor jaýapkershilik. Biz úmitti aqtap, balalar men jastardyń tyńdalýyna jáne olardyń ómirge áser etetin sheshimderge qatysýyna múmkindik beremiz dep úmittenemiz», - dedi ZAQ.
Ótken jyly Ninety One toby ıÝNISEF pen TikTok-tyń «Psıhıkalyq ál-aýqat bárinen mańyzdy» atty birlesken naýqanyn qoldaǵan edi. Osy arqyl 100 myńnan astam jas psıhıkalyq densaýlyq týraly mańyzdy aqparat aldy.
«Óz jankúıerlerimizdiń arqasynda biz jasóspirimder men jastardyń qajettilikteri men umtylystaryn túsinemiz. Ánderimizdiń kómegimen olardy ıgi isterge shabyttandyrýǵa tyrysamyz. Olardyń jańa nárselerden qoryqpaǵanyn jáne ózderine sengenin qalaımyz. Endi biz ıÝNISEF-pen kúsh-jigerimizdi biriktiremiz, osylaısha ár balanyń óz armanyn júzege asyrýyna múmkindigi bolady», - dedi Alem.
«Biz býllıngtiń qandaı bolatynyn bilemiz. Siz týraly qoǵamdyq pikir tek sizdiń syrtqy kelbetińizge baılanysty qalyptasady. Býllıngti jeńýdiń qanshalyqty qıyn ekenin de bilemiz. Endi bizdiń ıÝNISEF baǵdarlamalaryn qoldaýǵa jáne balalarǵa osy qıyndyqtardy jeńýge kómektesýge múmkindigimiz bar», - dedi Bala.
Aıta ketsek, búkil álemde ıÝNISEF-tiń 200-ge jýyq izgi nıet elshisi bar. Kórnekti mýzykant jáne kompozıtor Batyrhan Shúkenov ıÝNISEF-tiń Qazaqstandaǵy alǵashqy izgi nıet elshisi boldy. Álemdegi eń úzdik on shahmatshynyń biri Dınara Sádýaqasova bes jyl boıy Qazaqstandaǵy ıÝNISEF bastamalaryn belsendi qoldap keledi.
