Ninety one, Orda, Qurmash Mahan: Astanalyqtar ashyq aspan astynda kontsert tamashalady
ASTANA. KAZINFORM – Astana kúnine oraı elordadaǵy EKSPO qalashyǵynyń aýmaǵynda merekelik kontsert ótti.
OPEN AIR formatyndaǵy merekelik is-shara keshki Astananyń aspanyn án men kúıge bóledi. EKSPO alańyna jınalǵan jurt eń tanymal degen jas ónerpazdardyń ánin qosyla shyrqap, yrǵaqty áýenderge birge bıledi.
Astana turǵyndary men qonaqtaryn qala kúnimen quttyqtaýǵa kelgen ánshilerdiń ishinde áıgili Ninety one toby boldy. Sahnaǵa Orda tobynyń ónerpazdary shyqqanda eldiń qoshemeti tipten artty.
Kontsert kórermenderiniń ishinde Raim men Sadraddin-niń tyńdarmandary da kóp bolyp shyqty.
Kalifarniya men Nazima da keshki Astananyń aspanyn jańǵyrta án saldy. Alpha, T'OI, Imzi, Jazzdauren sııaqty oryndaýshylar da halyqtyń yqylasyna bólendi.
Ánshi Qurmash Mahan da ónerdegi ini-qaryndastarynan qalyspaı, kontsertke jınalǵan halyqtyń qulaq quryshyn áýezdi ánimen qandyrdy.
