Ninety One-nyń taǵy bir kontserti ótpeıtin boldy
ASTANA. QazAqparat - Qazaqstanda tórt jigitten quralǵan Ninety One tobynyń Óskemen qalasyna josparlaǵan kontserti ótpeıtin boldy, dep habarlaıdy QazAqparat.
«Ókinishke qaraı, Óskemen qalasynda ótedi dep josparlanǵan kontsertimiz uıymdastyrýshylardyń jumysqa degen nemquraılyǵy men kásibı deńgeı tanyta almaýyna baılanysty, ótpeıtin boldy»,-dep jazǵan top áleýmettik jelidegi resmı paraqshalaryna.
Kontserttiń satylǵan bıletteri keri qaıtarylady.
Aıta keteıik, Koreıa elinde taralǵan pop-stılde án shyrqaıtyn Ninety One tobyn Qazaqstanda kóp adam qabyldaı almaǵan edi. Buǵan deıin toptyń birneshe qaladaǵy kontserti ótpeı qalǵan. Sebebi, sol qaladaǵy belsendiler bılik ókilderine hat jazyp, toptyń kıiný, boıaný stıli qazaq jigitterine tán emes degen oıdy alǵa tartqan bolatyn. Keıin, top prodıýseri Erbolat Bedelhan jigitter shashyn qaıtadan qara túske boıap, sahnaǵa shyqty dep habarlaǵan. Jáne de topty eshqandaı sheteldik azamat qarjylandyryp otyrmaǵanyn atap ótken edi.
