Ninety One koreı teleshoýynda jeńiske jetti
«I Can See Your Voice» - tipti án aıta almaıtyndar da jeńiske jetýi múmkin alǵashqy shoý. Shoý tujyrymdamasy da qarapaıym. Árbir epızodta shaqyrylǵan oryndaýshy sarapshylar komandasynyń kómegimen 4 raýnd barysynda shoý qatysýshylarynyń qaısysy án aıta almaıtyndyǵyn anyqtaýy qajet. Epızod sońynda bir ǵana oryndaýshy qalyp, ol arnaıy shaqyrylǵan oryndaýshymen birge án aıtýy tıis. Eger jeńimpaz án aıtyp júrgen ónerpaz bolsa, onda sıngl jazýǵa múmkindik alady. Al án aıta almaıtyn qatysýshy jeńse, júldege tigilgen 4,5 myń dollarǵa ıe bolady.
Qazaqstandyq boız-ben kastıngten sátti ótip, baǵdarlamanyń alty qatysýshysynyń qataryn tolyqtyrdy. Al shaqyrylǵan ártis qyzdardan quralǵan Mamamoo k-pop boldy.
«Tóreshiler Ninety One Ortalyq Azııadaǵy tanymal top nemese Seýlge bilim alýǵa kelgen qarapaıym stýdentter ekendigin tabýy tıis edi. Ninety One tobynyń ánshileri fınalǵa shyǵyp, onda Mamamoo repertýaryndaǵy «Yes I am» kompozıtsııasyn jandy daýysta oryndady. ALEM (Batyrxan Málikov), ACE (Azamat Ashmaqyn) jáne BALA-nyń (Danııar Qulymshın) daýysy tóreshi qyzdarmen qatar Kim Jong- kook, Leeteuk (Super Junior), Yoo Se-yoon syndy shaqyrylǵan tanymal óner juldyzdaryn tań qaldyrdy», - dedi toptyń prodıýseri Erbolat Bedelhan.
Koreıanyń estrada juldyzdary qazaq ánshileriniń koreı tilinde taza óner kórsetkenderine rıza boldy. Sonymen qatar olar toptyń jetekshi reperi ZAQ-tyń (Dýlat Muhametqalıev) jas belsendi ekendigine jáne Q-pop baǵyty men qazirgi qazaq mýzykasyn jaqtaýshylardyń biri ekendigine tańdanystaryn bildirdi. Shoý aıaqtalǵannan keıin 1 saǵat ótisimen Koreıanyń ulttyq Naver (Google balamasy) izdeý júıesinde Ninety One eń kóp suranysqa ıe bolǵan sózge aınaldy.
Shoý sońynda Ninety One toby tolyq quramda ózderiniń «Aiyptama» ánin oryndady. Mamamoo men Ninety One dýeti orynǵan án YouTube arnasynda jarııalanǵan úsh kúnniń ishinde 500 myń kórilim jınady.
«Qazaqstandyq toptyń shyǵarmashylyǵyna qyzyǵýshylyq kúrt artty. Oǵan barlyq áleýmettik jelilerdegi jazylýshylar sanynyń artýy, sonymen qatar top klıpteriniń astyna sheteldik jankúıerler qaldyrǵan oń pikirler dálel bola alady. Ninety One birtindep álemdik naryqty baǵyndyryp keledi jáne Koreıadaǵy jeńis onyń alǵashqy baspaldaǵy ǵana», - dedi Erbolat Bedelhan.