Nıkolıa Sarkozı Frantsııadaǵy prezıdenttik jarystan shyǵyp qaldy
ASTANA. QazAqparat - Frantsııada partııaishilik saılaýdy uıymdastyrý komıteti barlyǵy 10,228 myń saılaý ýchaskesiniń 5,496 myńyndaǵy (1,6 mln. saılaýshy) daýystardy eseptep shyǵyp, 22,9% daýys jınaǵan burynǵy prezıdent Nıkolıa Sarkozıdiń jarys jolynan shyǵyp qalǵanyn málimdedi, dep habarlady QazAqparat "Kommersant"-qa silteme jasap.
Kósh basynda 43,6% daýysqa ıe bolǵan burynǵy premer Fransýa Fııon tur, odan keıin 26,7% daýyspen burynǵy úkimet basshysy Alen Jıýppe keledi. Qalǵan qatysýshylar 10%-dan tómen nátıje kórsetken.
Eske sala ketsek, Frantsııada partııalyq saılaýdyń birinshi týry bastalyp ketti, ony ońshyl «Respýblıkashylar» 2017 jylǵy prezıdenttik saılaýǵa túsetin úmitkerdi anyqtaý úshin ótkizýde. Kandıdattyqqa Nıkolıa Sarkozı, Alen Jıýppe jáne Fransýa Fııon, jáne depýtattar Brıýno Le Mer, Natalı Kostıýshko-Morıze, Jan-Frederık Pýason jáne Jan-Fransýa Kope baq talastyrýda. Ekinshi týr 27 qarasha kúni ótýi tıis.
