Nıkolaı Valýev: Golovkın urystyń sheshilýin birshama uzartýy múmkin
ASTANA. QazAqparat - «Býkmekerler reıtıngisiniń» turaqty sarapshysy, Reseı Memlekettik dýmasynyń depýtaty, bokstan asa aýyr salmaqtaǵy burynǵy álem chempıony Nıkolaı Valýev búgin ótetin gennadıı Golovkın men Domınık Ýeıdtiń jekpe-jegine óz boljamyn jasady, dep habarlady Sports.kz.
«Golovkın men Ýeıd jekpe-jegi meniń sáýirdegi eń kútip júrgen urysym. Gennadıı 34 jastaǵy, kóptegen ataqtar men dańqqa bólengen sportshy. Onyń soqqysy myqty, jyldamdyǵy joǵary, óte tózimdi. Onyń urystary qashan da qyzyqty ótedi, qarsylasymen soqqylar almasýǵa da qoryqpaıdy. Onyń soqqysy asa qýatty, qarsylasyna eshbir múmkindk qaldyrmaıdy. Ol qarsylasyn keńistikte shekteı biledi, bul da bir sózsiz artyqshylyǵy.
Al Domınık Ýeıd 26 jastaǵy amerıkalyq boksshy. Biraq ta buǵan deıin onyń eleýli qarsylasy bolmady. Golovkınmen kezdesý oǵan alǵashqy synaq. Osy urysta onyń mansaby tarazyǵa túsedi. Ol osy joly ózin kórsete bilýi tıis, jeńe almasa da laıyqty tótep berý qajet. Batyl boksshy, kásibı daǵdylardy ıgergen. Oń qolymen jaqsy urys salady. Ol Golovkınniń qýatty soqqylaryn darytpaý úshin rıngte kóbine jıi qozǵalyp, oryn aýystyryp otyrady. Bul aıqasta men úshin favorıt - árıne, Golovkın. Ol kezekti qyzyqty oıynyn ótkize otyryp, álem chempıony ataǵyn qorǵap qalady dep oılaımyn. Gennadıı birinshi raýndylarda-aq qarsylasynyń qaýipti emesin baıqaıdy, sondyqtan da oıynnyń sheshimin birshama uzarta túsedi», - dedi Valýev.
Boljam: Gennadıı Golovkın 7-shi raýndta nokaýtpen jeńiske jetedi.
